कान्तिपुर टेलिभिजनमा टेलिफिल्म ‘कथा प्रेमका’ निर्देशन गरेकी संगीता श्रेष्ठले निर्देशन गरेको पहिलो चलचित्र ‘कथा काठमाण्डौ’को फस्टलुक सार्वजनिक गरिएको छ ।
काठमाण्डौलाई आफ्नो कर्मथलो बनाएर बसेका विभिन्न पात्रहरुको कथालाई चलचित्रमा उठान गरिएको छ । चलचित्र असोज १२ गतेबाट देशभर एकैसाथ प्रदर्शनमा आउने भएको छ । चलचित्रमा नायिका प्रियंका कार्की, नायक आयुष्मान देशराज जोशीको साथमा संजोग कोइराला, सन्ध्या केसी, प्रमोद अग्रहरि, प्रेक्षा अधिकारीको मुख्य भूमिका रहेको छ ।
लुजा सिंहले खिचेको चलचित्रलाई मित्र गुरुङले सम्पादन गरेका छन् । गायिका इन्दिरा जोशीलाई चलचित्रमा विशेष भूमिकामा देख्न सकिनेछ ।
चलचित्रको पोष्टर अनुसार चलचित्रमा नायिका प्रियंका कार्की र प्रमोद अग्रहरिको जोडी देख्न सकिन्छ । यस्तै, संजोज कोइराला र सन्ध्या केसी, आयुष्मान र प्रेक्षाको जोडी देख्न सकिनेछ ।चलचित्रको पोष्टरमा ‘लस्ट, लभ र लाइफ’लाई मुख्य थीम बनाइएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved