मन्त्री यादव सडक ढलान निर्माण कार्यको शिलान्यास गरेको छु ।

 वीरगंज महानगरपालिका वार्ड नं.२१ परवानीपुरदेखि पटेलनगर जाने बाटोमा नाला तथा सडक ढलान निर्माण कार्यको शिलान्यास गरेको छु ।

उक्त नाला तथा ढलान निर्माण कार्य सम्पन्न भएपश्चात यहाँका नागरिकलाई निकै सहज हुने छ भन्ने मैले अपेक्षा लिएको छु । मेरो निर्वाचन क्षेत्रभित्र पर्ने यस वडाका जनताको सुविधाका लागि आवश्यक बजेट विनियोजन गरी यो कार्यको शुभारम्भ गरिएको हो।

मैले शुद्ध खानेपानी वितरण, नाला तथा ढलान निर्माणजस्ता जनताको प्रत्यक्ष जीवनसँग जोडिएका सेवा सुविधाहरूलाई प्राथमिकतामा राख्दै ती कार्य समयमै सम्पन्न गर्न सम्बन्धित निकायलाई आवश्यक निर्देशन दिएको छु।

शिलान्यास कार्यक्रममा सहभागी वीरगंज महानगरपालिका वडा नं. २१ का वडाध्यक्ष श्री राधेकृष्ण साह रौनियार, स्थानीय अगुवा नेता तथा कार्यकर्ता, र सम्पूर्ण वडा–वासीप्रति हार्दिक आभार प्रकट गर्न चाहन्छु।

जनताको सेवा गर्नु नै मेरो प्रमुख कर्तव्य, जिम्मेवारी र सन्तोषको कारण हो।