राष्ट्रिय स्वतन्त्र पार्टी कोशी प्रदेश समितिमा सुनिल भुशाल मनोनित

इटहरी /राष्ट्रिय स्वतन्त्र पार्टी (रास्वपा) कोशी प्रदेश समितिले सुनसरीको इटहरी निवासी सुनिल भुशाललाई कोशी प्रदेश कार्यसमिति सदस्यमा मनोनित गरेको छ। प्रदेश अधिवेशन कार्यविधि २०८३ को दफा ७ (क) बमोजिम उहाँलाई उक्त जिम्मेवारी प्रदान गरिएको हो।
पार्टीद्वारा जारी मनोनयन पत्रअनुसार सुनिल मुशाललाई संगठन सुदृढीकरण, नीति कार्यान्वयन तथा प्रदेशस्तरका गतिविधिलाई प्रभावकारी बनाउन भूमिका निर्वाह गर्ने अपेक्षासहित कार्यसमिति सदस्यमा मनोनयन गरिएको उल्लेख गरिएको छ।
मनोनयनसँगै पार्टीले उहाँलाई जिम्मेवारी सफलतापूर्वक निर्वाह गर्दै संगठनलाई थप सशक्त बनाउने विश्वास व्यक्त गरेको छ। साथै, आगामी कार्यकाल सफल रहोस् भन्ने शुभकामना पनि दिएको छ।
सुनिल भुशाल लामो समयदेखि सामाजिक तथा राजनीतिक गतिविधिमा सक्रिय रहँदै आएका व्यक्तित्वका रूपमा परिचित छन्। प्रदेश कार्यसमितिमा उनको आगमनले संगठन विस्तार, कार्यकर्ता परिचालन तथा जनतासँगको सम्बन्ध अझ मजबुत हुने अपेक्षा गरिएको छ।
कोशी प्रदेशका सभापति चन्द्रबहादुर राईद्वारा हस्ताक्षरित मनोनयन पत्रमा पार्टीको विधान र कार्यविधिअनुसार जिम्मेवारी बहन गर्न आग्रह गरिएको छ। पार्टीले प्रदेशभर संगठनलाई थप प्रभावकारी र गतिशील बनाउने लक्ष्यसहित सक्षम तथा सक्रिय व्यक्तिहरूलाई नेतृत्व तहमा समेट्ने नीति अवलम्बन गरिरहेको जनाएको छ।
यस मनोनयनलाई रास्वपाका कार्यकर्ता तथा शुभेच्छुकहरूले सकारात्मक रूपमा लिएका छन्। सामाजिक सञ्जालमार्फत सुनिल भुशाल लाई बधाई तथा सफल कार्यकालको शुभकामना दिने क्रम पनि बढिरहेको छ।
राजनीतिक विश्लेषकहरूका अनुसार प्रदेशस्तरमा अनुभवी र सक्रिय व्यक्तिहरूलाई जिम्मेवारी दिँदै संगठन विस्तार गर्ने रास्वपाको रणनीतिले आगामी दिनमा पार्टीलाई थप मजबुत बनाउन सहयोग पुग्न सक्छ। सुनिल भु शालको मनोनयन पनि सोही अभियानको एक महत्वपूर्ण कदमका रूपमा हेरिएको छ।
यससँगै सुनिल 

भुशालले पार्टीप्रति आफ्नो प्रतिबद्धता जनाउँदै दिइएको जिम्मेवारी इमानदारी, सक्रियता र जनउत्तरदायी भावनाका साथ पूरा गर्ने विश्वास व्यक्त गरेका छन्। उहाँको मनोनयनले कोशी प्रदेशमा रास्वपाको संगठनात्मक गतिविधिलाई थप ऊर्जा मिल्ने अपेक्षा गरिएको छ।