उद्योग वाणिज्य संघ इटहरीमा  ढुण्डिराज गुरागाईंको प्रवेश, पर्दापछाडिका प्रभावशाली पात्रका रूपमा चर्चा

इटहरी । उद्योग–व्यवसाय क्षेत्रमा आफ्नो छुट्टै पहिचान बनाएका ढुण्डिराज गुरागाईं  उद्योग वाणिज्य संघ इटहरीको सदस्यमा मनोनीत भएपछि उनको भूमिकालाई लिएर व्यवसायी वृत्तमा चर्चा सुरु भएको छ।

सामान्य व्यवहार, मिलनसार स्वभाव र सबैसँग सहज सम्बन्ध राख्ने गुरागाईं बाहिरबाट हेर्दा सामान्य देखिए पनि उद्योग–व्यवसाय क्षेत्रका गतिविधि, व्यवसायीबीचको सम्बन्ध र संघभित्रका विषयलाई नजिकबाट बुझ्ने व्यक्तिका रूपमा परिचित छन्। धेरै प्रचारमा नआए पनि आवश्यक समयमा संवाद, समन्वय र सहकार्यका माध्यमबाट प्रभावकारी भूमिका निर्वाह गर्ने उनको शैली रहेको उनीसँग नजिक रहेका व्यवसायीहरू बताउँछन्।

इटहरीको व्यावसायिक क्षेत्रमा लामो समयदेखि सक्रिय गुरागाईंलाई व्यवसायीका समस्या र आवश्यकतालाई व्यवहारिक रूपमा बुझ्ने व्यक्तिका रूपमा हेरिएको छ। व्यवसायीबीच आपसी सहकार्य बढाउने, नयाँ पुस्तालाई उद्यमशीलतामा जोड्ने तथा निजी क्षेत्रका आवाजलाई सम्बन्धित निकायसम्म पुर्‍याउने विषयमा उनले संघमार्फत भूमिका खेल्न सक्ने अपेक्षा गरिएको छ।

संघको सदस्यका रूपमा नयाँ जिम्मेवारी पाएसँगै गुरागाईंको सक्रियता आगामी दिनमा अझ बढ्ने देखिएको छ। ‘  आत्मीय रूपमा चिनिने गुरागाईंको सरल स्वभाव र पर्दापछाडिबाट समन्वय गर्ने शैली नै उनको विशेषता भएको बताइन्छ।

उनको मनोनयनसँगै उद्योग वाणिज्य संघ इटहरीमा अनुभवी तथा सक्रिय व्यवसायीहरूको भूमिका थप प्रभावकारी बन्ने अपेक्षा गरिएको छ। व्यवसायी तथा शुभेच्छुकहरूले गुरागाईंलाई बधाई दिँदै सफल कार्यकालको शुभकामना व्यक्त गरेका छन्।