नेकपा कार्यकर्ताद्धारा कांग्रेस सभापतिमाथि कुटपिट

जिवन फुयाल, सुनसरी - काग्रेसका इटहरी १० नं. वडाका सभापतिले नेकपाका कार्यकर्ताले आफुलाई कुटपिट गरेको बताएका छन् । वडा सभापति प्रकाश कोइरालाले तत्कालिन (युवा संघ एक नं. प्रदेश सचिवालय सदस्य) रुपेश बस्नेत सहितको समुहले धनकुटाको नाम्जेमा कुटपिट गरेको बताएका हुन ।
इटहरीस्थित रिपोर्टर्स क्लबमा बिहिबार पत्रकार सम्मेलन गरी कोइरालाले पार्टीको बिषयमा विवाद हुदा मुक्का हानेको दाबी गरे । नेकपा आबद्ध कार्यकर्ताहरुको प्रशिक्षण सकेर फर्कदै गरेका बस्नेत सहित बिटु चौधरी र सोनु हलुवाई लगायतको समहुले नाम्जेमा घेरेर आफुलाई मुक्का र लात्ती हानेको बताए ।
घुम्नको लागी नाम्जे पुगेको अबस्थामा पार्टीलाई होच्यादै आफु र संयोज अधिकारीमाथि कुटपिट भएको कोइरालाले पत्रकार सम्मेलनमा बताए । मादक पदार्थ सेवन गरेका बस्नेत समुहले जवरजस्र्ती नेकपा जिन्दावाद भन्न लगाएको र नमान्दा लडाएर कुटपिट गरेको बताए । बस्नेत समुह मातेर होहल्ला गदै हिडेको अबस्थामा आफुलाई खाजा खाइरहेको ठाँउमा आएर दुरव्यवहार गरेको कोइरालाको भनाई छ ।
‘तँ नेकपामा प्रबेश गर्नुपर्छ नत्र राम्रो हुदैन भन्दै धम्काए,’ कोइरालाले भने ‘हुदैन म काग्रेसको कार्यकर्ता हुँ भन्दा मुक्का र लात्ती प्रहार गरे’ ।
घटनाको बिषयमा बुधबार नै प्रहरी चौकी भेडेटारमा निवेदन समेत दिएको कोइरालाले जानकारी दिए । ‘हाम्रो पार्टी सरकारमा छ, हामीलाई कसैको डर छैन’ भन्दै आफु र अधिकारी भाईलाई कुटपिट गरेको उनको भनाई छ ।
बुधबार बिहानदेखी भनिएको प्रशिक्षणमा अधिकाशं नेकपाका कार्यकर्ता मातेर नाम्जे होमस्टे आसपास आतंक मञ्चाएको कोइरालाको दाबी छ । बस्नेत समुहले आफुलाई दुरव्यवहार गर्नुको साथै त्यहाँ घुम्न आएका युवती तथा महिलालाई समेत दुरव्यवहार गरेको बताए । मातेर आतंक मञ्चाएपछि नाम्जेका वडाध्यक्ष समेत आएर सम्झाएको कोइरालाले पत्रकार सम्मेलनमा बताए ।
तरुण दल इटहरी १० नं. वडाका सभापति समेत रहेका संजोक अधिकारीले पनि कुटपिट र दुरव्यवहार भएको बताए । आफुले प्रतिरोध गर्दा ‘जहाँ भेटे त्यही सक्ने धम्की’ बस्नेत समुहले दिएको अधिकारीको भनाई छ ।

यस्तै काग्रेस सुनसरी जिल्ला सदस्य सुबोध घिमिरेले घटना निन्दनिय रहेको बताउदै सत्ताको आँडमा कसैले पनि गुण्डागर्दी देखाउन नहुने बताए ।
यता नेकपाका कार्यकर्ता रुपेश बस्नेतले सामान्य विवाद भएको तर कुटपिट नगरिएको दाबी गरे । ‘हामी एक अर्काेलाई चिन्दछौ, जिस्केर पार्टीको बिषयमा डिबेट भएको हो’ उनले भने ‘तर कुटपिटको आरोप गलत छ’ ।
प्रशिक्षण सकेर फकर्दा बाटोमा बिवाद भएको बताउदै बस्नेतले राजनितिक रुपमा आफुहरुलाई बिभिन्न आरोप लगाई फसाउन खोजेको बताए ।