बक्राहा खोलामा लगाईएको तटबन्धन अनियमितताको आशंका

वर्षायाम शुरु भएसंगै मोरङको वक्राहा खोलाले धेरै मानिसहरुको निन्द्रा बिथोल्ने गरेको छ । आकाशवाट पानी पर्न थालेपछि सो खोलाको नजिकै वसोवास गर्नेहरु त्रासमा वस्न वाध्य छन् । वक्राहा खोलाले पथरीशनिश्चरेको ३ नम्वर वडामा रहेको धेरै स्थानीयलाई असर पारेको छ । उर्लाबारीको राजघाट र पथरीशनिश्चरेको ३ नम्वर वडाका अधिकांश क्षेत्रमा वक्राहाको कटानले प्रभावित पारेको क्षेत्रमा वनाईएको तटवन्धन कमसल वनेपछि स्थानियवासी आक्रोशित वनेका छन् । प्रदेश सरकारको २० लाखको लागतमा जल उत्पन्न प्रकोप डिभिजन कार्यालयले वनाएको तटवन्धनको काम कमसल भएको स्थानिय वासीले आरोप लगाएका छन् ।

स्थानिय वासीका अनुसार सो वाँध निर्माण गर्ने ठेकेदारले चरम रकम अनियमिता गरेको आरोप पनि लागेको छ । स्थानियवासी भन्छन् २० लाखमा निर्माण भएको पुलमा लगभग ५ सय बाँस लगाएर आँखामा छारो हालेको छ । यस्तो बाँध त होलिमा हामी आफै लगाउन सक्थ्यौँ । किन सरकारको ढिकुटी रित्याउनु पर्यो ?

वाँसका भाटा र तारले वनाईएको तटवन्धन यस अघिको वाढीले वगाएर लगेको छ । खोलाका जम्मा ५ स्थानमा ५० मिटर लम्वाइका वाँसका तटवन्धन वनाइएको छ । वनाइएको वाँसका तटवन्धनले वक्राहाको भेललाइ रोक्न नसक्ने स्थानियवासी वताउँछन । उनीहरुका अनुसार झारा टार्ने काम मात्र भएको छ । २० लाख रुपयाँ वरावरको काम नभएको उनीहरुको आरोप छ । पथरीशनिश्चरे ३ को सुन्दरी चौक,देखी टप्पु टोल सम्ममा ५ स्थानमा सो तटवन्धन गरिएको छ । असारको पहिलो साता आएको वक्राहाकोे भेलले एउटा तटवन्धन भने वगाएर लगेको छ । न्यौपाने टोलको तटवन्धन वगाएको हो ।

तटवन्धनका गर्नका लागी प्रदेशदेखि केन्द्र सम्म दौडधुप गरेको र सो वरावरको वजेट विनियोजन भएको सो वडाका अध्यक्ष डम्वर चेम्जोङ वताउँछन् । बजेट अनुसारको काम आफुहरुले गरेको उनको भनाई छ ।यता प्रदेशसभा सदस्य कृष्णकुमारी राई पनि सो तटवन्धन जनताको प्रत्यक्ष सरोकारको भएकाले अनियमिता भए कारवाही हुनुपर्ने वताउँछिन । काम सम्पन्न भएपछि पुनः बक्राहाले लगेको र जलउत्पन्न प्रकोपमा आफ्नो पहलमा काम सम्पन्न पनि भएको तर के कस्तो भएको आफुलाई जानकारी नभएको राईको भनाई छ ।

बक्राहाले स्थानियलाई सास्ती दिएकाले आफ्नो पहलमा बजेट बिनियोजन भएको तर निर्माण कार्यको निरीक्षण गर्दा त्यसले वक्राहा खोलाको कटान नियन्त्रणमा नआउने प्रदेश सभा सदस्य सुर्यमाराज राई वताउँछन । जल उत्पन्न प्रकोप डिभिजन कार्यालयका प्रमुख देव नारायण शाहले भने जनताको प्रत्यक्ष सवाल जोडिएका यस्ता विकासका कार्यमा समेत व्यापक अनियमिता हुने र वाढीवाट प्रत्येक वर्ष स्थानियवासी प्रभावित भइरहने अवस्था सिर्जना भएको बताए ।