किशोरीहरुलाई लक्षित गरी फिदिम नगरपालिकाले वितरण गर्यो स्यानीटरी प्याड

पाँचथर / महिनावरी भएको समयमा समेत नियमित रुपमा किशोरीहरु विद्यालय जान सकुन् भन्ने उद्धेश्यले पाँचथरको फिदिम नगरपालिकाले नगर क्षेत्र भित्रका २० वटा विद्यालयहरुलाई स्यानीटरी प्याड वितरण गरेको छ । नरपालिकाले आज फिदिममा एक कार्यक्रमका वीच नगर क्षेत्रका १ हजार ७ सय विद्यार्थीहरुलाई स्यानीटरी प्याड वितरण गरेको हो । अहिले मावि तहका ८ कक्षा देखि १० कक्षा सम्मका किशोरीहरुलाई लक्षित गरेर उक्त स्यानीटरी प्याड वितरण गरिएको फिदिम नगरपालिकाका प्रमुख प्रशासकिय अधिकृत गुरुदत्त सुवेदीले बताउनुभयो ।

नगरपालिकाले गरेको यो कार्यक्रमले ती किशोरीहरुलाई विद्यालयमा समेत सहजता हुने र यो कार्यक्रम प्रभावकारी हुने अपेक्षा गरिएको नगरप्रमुख ओनाहाङ नेम्बाङले बताउनुभयो । कार्यक्रममा बोल्दै फिदिम नगरपालिका उपप्रमुख उर्मिला प्रधान श्रेष्ठले अव पनि किशोरीहरु महिनावरी भएकै कारण विद्यालय बाटै छोडेर हिड्ने वाध्यत्मक परिस्थतीको अन्त्य हुने बताउनुभयो । कार्यक्रममा फिदिम नगरपालिकाका प्रशासकीय अधिकृत डम्बर बहादुर आङदेम्बे,नेपाल पत्रकार महासंघ पाँचथरका अध्यक्ष लवदेव ढुंगाना,फिदिम माविका प्रअ दुर्गाराज खत्री लगायतले मनतब्य ब्यक्त गर्नुभएको थियो ।