सरकारी उपेक्षाका कारण केरा खेतीबाट विस्थापित हुन थाले किसान

सप्तरी भदौ ८ गते– प्रदेश नम्वर–२ मै केरा खेतीको हब मानिने सप्तरीको हनुमाननगर कंकालिनी नगरपालिका–१ भारदहका किसानहरु सरकारी उपेक्षाका कारण केरा खेतीबाट विस्थापित हुन थालेका छन् । रसायनिक मलखाद, प्राविधिक र किटनाशक औषधीको अभावका साथै उचित लागत अनुसारको बजार भाउ नपाउँदा केरा कृषकहरु निरुत्साहित हुन थालेका हुन् । कोशी नदीको बगर तथा आसपास क्षेत्रमा जिल्लाको भारदह, पोर्ताहा, मधवापुर, योगिनियाँ, हनुमाननगर, भलुवा लगायतका गाउँका किसानले करिब एक हजार बिघामा केरा खेती गर्दैआएका छन् । केरा खेती गरेरै प्रत्यक्ष रुपमा पाँच सय परिवारको गुजाराको माध्यम बनेको केरा खेतीका लागि सहज रुपमा मलखाद, किटनाशक औषधी, प्राविधिकको रेखदेख र उचित बजारभाउ समेत समेत नपाउँदा केरा खेतीबाट विस्थापित हुने अवस्था आएको केरा कृषक रामजनम यादवले दुःखेसो सुनाउनुभयो । शुरुमा केही किसानले थालेको केरा खेती अहिले सघन रुपमा हुँदै आए पनि सरकारी स्तरबाट आफुहरुले कुनै सुविधा नपाएको अर्का केरा कृषक सुधेश्वर रजकले बताउनुभयो । केरा हुर्काउन आफुहरुलाई निक्कै मेहनत गर्नुपरेको बताउँदै उहाँले भन्न’भयो ‘प्रदेश नम्वर २ को ब्राण्डको रुपमा भारदहको केरा खेतीलाई स्थापित गर्न सकिन्छ तर यसतर्फ हालसम्म कुनै पहल भएको छैन ।