रथयात्रामा २० जना बढीको गलाको सुन लुछ्ने पक्राउ

विराटनगर । विराटनगरको रथयात्रामा भीडभाडको मौका छोपी चोरी गर्न खोज्ने ६० जना बढीलाई प्रहरीले पक्राउ गरेको छ ।

पक्राउ परेका अधिकांश भारतीय रहेको जिल्ला प्रहरी कार्यालय मोरङले जनाएको छ ।रथयात्रामा दर्शन गर्न आएका एक व्यक्तिको घाँटीमा लगाएको सुनको सिक्री लुछेपछि प्रहरीले उनलाई पक्राउ गरेको थियो ।

चोरीमा संलग्नलाई पक्राउ गर्नको लागि विशेष सुरक्षाको व्यवस्थासहित ड्रोन क्यामेराबाट निगरानी  गरिएको थियो ।

गलामा लगाएको सुनको सिक्री तथा बोकिएको पर्स हराएको भन्दै २० जनाभन्दा बढी व्यक्ति जिल्ला प्रहरी कार्यालय मोरङमा पुगेको जिल्ला प्रहरी कार्यालय मोरङका डीएसपीले जानकारी दिएका छन् ।