इटहरीः इटहरी उपमहानगरपालिकाले आफ्नो कार्यक्षेत्रभित्र रहेका खोलाहरुको अधिकार क्षेत्र तोक्ने भएको छ ।
इटहरी उपमहानगरपालिकाको ३० औं कार्यपालिकाको आज बसेको बैठकले सो निर्णय गरेको हो । खोलाको अधिकार क्षेत्र तोक्नका लागि वडा नम्बर १४ का अध्यक्ष रमेश चौधरीको अध्यक्षतामा एक समिति निर्माण भएको छ । सो समितिले ३ महिना भित्रमा प्रतिवेदन बुझाउने बताइएको छ ।
बैठकले गरेका निर्णयको बारेमा जानकारी दिन अहिले उपमहानगर परिसरमा पत्रकार सम्मेलन भइरहेको छ ।
यसै वर्ष बालमैत्री नगर घोषणा गरिने
पत्रकार सम्मेलनमा जनाइएअनुसार चैत मसान्तसम्ममा इटहरीलाई बालमैत्री नगर घोषणा गर्ने गरी कार्यविधि र आचारसंहिता पारित गरिएको छ ।
त्यस्तै, इटहरी उपमहानगरमा सूचना र प्रविधिको विषयलाई व्यवस्थित बनाउन प्रत्येक वडा कार्यालयमा सूचना प्रविधि सहायक नियुक्त गर्ने निर्णय पारित गरिएको छ । आर्थिक सहायता वितरणसम्बन्धी सामान्य मापदण्ड २०७५ पनि स्वीकृत गरिएको जनाइएको छ ।
अहिले पत्रकार सम्मेलन जारी रहेकाले बैठकले गरेका थप निर्णय विस्तृतमा आउन बाँकी छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved