पत्रकारलाई चित्त दुखाउने गरी के भने प्रदेश एकका मुख्यमन्त्रीले ?

इटहरी । एक नम्बर प्रदेशका मुख्यमन्त्री शेरधन राईले आम व्यवसायिक पत्रकारहरुलाई स्तरहिन र सपनामा देखेका कुरा लेख्ने भन्दै तुच्छ प्रकारका शब्द प्रयोग गर्दै गाली गरेका छन् । 

एक नम्बर प्रदेश सभाको बर्षे अधिवेशनको समापन बैठकलाई सम्बोधन गर्दै मुख्य मन्त्री राईले प्रस्ट गल्ति नै नऔल्याई अमूर्त बिषय कोटयाउदै जथाभावी लेखेर गैर व्यवसायिक र स्तरहिन चरित्र देखाएको, सपनामा देखेका कुराहरु लेखेर आफुलाई बदनाम गराएको र सरकारले गरेका राम्रा काममा भाँजो हालेको भन्दै गाली गरेका हुन् । उनको यस्तो अभिवेक्ती प्रति सामाजिक संजालमा पत्रकारहरुले आक्रोस व्यक्त गरेका छन् । 

सभाको रोष्ट्रमबाट सभालाई सम्बोधन गर्ने क्रममा मुख्यमन्त्री राईले झण्डै दश मिनेट कुन मिडिया र पत्रकारको कुन समाचारमा कहाँ गल्ति भयो भन्ने समेत नप्रष्टयाई एक्कासी सम्बोधनमा प्रसंग फेरेर आम पत्रकारहरुलाई गाली गरेका थिए । उनले प्रदेशको स्थायी राजधानी र नामाकरणको बिषय सुरु गर्दै मिडियाले हचुवा प्रकारले जथाभावी लेखेर बिषयलाई हल्का बनाउने काम गरेको आरोप लगाउदै भने, ‘यो हल्का बिषय हैन यसैले मिडियाले गैर व्यवसायिक ढंगले लेख्नु राम्रो हैन म यसमा दुख व्यक्त्त गर्दछु ।’ 

प्रदेश सभाभित्र रिपोटिङ गर्न प्रेस ग्यालरीमा बसेका पत्रकारहरुतर्फ आक्रोश प्रकट गर्दै मुख्यमन्त्रि राईले आफ्नो सम्बोधनमा भने, ‘तँपाईहरु कल्पना गरेर सपना देखेर लेख्न छाडनोस् आफ्नो संकल्प र प्रतिबद्धतालाई ख्याल गर्नुहोस् सक्नुहुन्छ स्तरिय चरित्र प्रर्दशन गर्नुहोस सक्नुहुन्न भने कम्तीमा स्तरहिन चरित्र प्रर्दशन नगरिदिनोस् ।’