लायन्स क्लव अफ इटहरी द्वारा ८८ जना विद्यार्थीको निःशुल्क आँखा जाँच

इटहरी । लायन्स क्लव अफ इटहरी स्मार्ट सिटीले इटहरी १३ खनारमा रहेको मदन आश्रीत आधारभुत विद्यालयका विद्यार्थीहरुलाई लक्षित गरी निःशुल्क आँखा जाँच शिविर सञ्चालन गरेको छ ।

उपमहानगरपालिका भएपनि खनारको गाम्रीण क्षेत्र पर्ने सो क्षेत्रका विद्यार्थीहरुलाई लक्षित गरी आँखा जाँच शिविर सञ्चालन गरिएको हो ।

हालै मात्र गठन भएको लायन्स क्लव अफ इटहरी स्मार्ट सिटीले सामाजिक कार्यलाई निरन्तरता दिने क्रममा विद्यालयमा आँखा शिविर सञ्चालन गरेको आँखा शिविरमा विद्यालयका ८८ जना विद्यार्थीहरुका साथै २५ अभिभावकहरुले आँखा परिक्षण गराएका थिए । शिविरमा इटहरीमा रहेको पशुपति अस्पतालले प्राविधिक सहयोग पुर्याएको लायन्स क्लव अफ स्मार्ट सिटीका अध्यक्ष राजेन्द्रकेशरी घिमीरेले जानकारी दिए । आँखा जाँच शिविरमा विरामीहरुलाई औषधि समेत प्रदान गरिएको समेत अध्यक्ष घिमीरेले वताए । यस अघि लायन्स क्लव अफ स्मार्ट सिटीले इटहरी श्री जब्दी आधारभुत विद्यालयका विद्यार्थीहरुलाई शैक्षिक सामाग्री वितरण गरेको थियो ।