ज्यानमारा सरकारी धराप 

  • प्रकाशित मितिः कार्तिक 13, 2075
  • 201 पटक पढिएको
  • समय अनलाइन

 

 

कीर्तिपुर साइकल दुर्घटना यथार्थमा सरकारी हेलचेक्य्राइँको ऐना हो । काठमाडौं उपत्यकामा सरकारी लापरबाहीले बन्न पुगेका ज्यानै जानसक्ने जोखिमपूर्ण धरापहरू अनगिन्ती छन् । विकास निर्माणका काम गर्दा खाल्टा खन्ने वा पुर्ने गर्नुपर्छ । त्यस्ता ठाउँ जोखिमपूर्ण हुन्छन् । यसैले निर्माण कार्यमा संलग्न रहनेको मात्र हैन त्यसको वरपर आवागमन गर्ने मानिसहरूको समेत सुरक्षाका लागि सावधानी सूचक चिह्नलगायतका सुरक्षाका उपाय अपनाइन्छ भने लामो समयसम्म जोखिमपूर्ण अवस्था कायम रहन दिइँदैन । काठमाडौंमा भने निर्माणका नाममा भत्काउने र बिगार्ने कसैले पनि सुरक्षाको विषयमा खासै चासो राखेको देखिँदैन । सम्बन्धित कर्मचारीले अलिकतिमात्रै चासो राखेको भए कीर्तिपुरमा भएको दुःखद साइकल दुर्घटना हुने थिएन ।  

 

यस प्रकारका ज्यानमारा हेलचेक्य्राइँ नरोकिनुको मुख्य कारण दण्डहीनता हो । सडकमा खाल्डो खनेर धराप बनाउने र त्यसको रेखदेख गरेर सुरक्षाको उपाय अपनाउन नलगाउने कर्मचारीविरुद्ध क्षतिको प्रकृतिअनुसार मुद्दा चलाउने हो भने यस्तो हेलचेक्य्राइँ पक्कै कम हुनेछ । कीर्तिपुर दुर्घटनाका दोषी कर्मचारीमाथि सम्बन्धित निकायले कानुनी कारबाही गर्नुपर्छ । साथै, त्यस सडक र खानेपानीका सम्बन्धित कर्मचारीहरूमाथि पनि कारबाही गर्नुपर्छ । खाल्डो बनाएर छाड्ने कर्मचारी वा निर्माण व्यवसायीको नियत ज्यान लिने थिएन होला तर तिनैको असावधानीका कारण एक जनाको ज्यान गयो । अतः सरकारले आफ्ना मातहत अड्डाले थापेका ज्यानमारा धरापको तत्काल व्यवस्थापन गर्नुपर्छ । संकेत राख्ने, खाल्टो पुर्ने र निर्माण कार्यलाई गति दिने गर्न सरकारलाई अतिरिक्त बजेट वा जनशक्ति पक्कै चाहिँदैन । इच्छा शक्ति र असल नियत भए पुग्छ । ठूला कुरा छाडेर उपत्यकाका नगरपालिकाहरू आआफ्नो क्षेत्रका ज्यानमारा सरकारी धराप निमिट्यान्न पार्न लागून् ।  

प्रतिक्रिया दिनुहोस

समय नेटवर्क मिडिया प्रा.लि. इटहरी उपमहानगरपालिका, सुनसरी, कोशी, नेपाल

फोन नं.: ९८४२५५३५५५, ०२५–५८७३८४

मोबाइल नं.: 9842553555

सूचना विभाग दर्ता नं.: 1366/75-76

प्रेस काउन्सिल दर्ता नं.: 663/2075-076

इमेल: [email protected] / [email protected] / [email protected]


समय नेटवर्क मिडिया प्रा.लि द्वारा संचालित टिमहरु

अध्यक्ष

नारण प्रसाद तिवारी (सानु)

सम्पादक

निशा निरौला

कार्यकारी सम्पादक

N/A

फोटो पत्रकार

नविन बस्नेत

लेखक

विरेन्द्र कार्की

प्रबन्ध निर्देशक

जीवन फुयाल

बाजार व्यवस्थापक

सागर भट्टराई

उर्लावारी संवाददाता

किरण निरौला

बेलबारी संवाददाता

हिमांशु राय

धनकुटा संवाददाता

नगेन्द्र फुयाल

डेस्क रिपोटर

रमेश लुइटेल(अवि)

सल्लहकार

सन्देश श्रेष्ठ, आकाशहाङ लिम्बु, बलराम आचार्य, रियन्द्र गुरागाई, विकास भट्टराई, तेजबहादुर पुरी, डा. राजेन्द्र पोखरेल, देशबन्धु कार्की

कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९

Copyright © 2017 / 2019 - Samayaonline.com All rights reserved