भोजपुरको पौवादुङमा आगलागी, क्षेति साढे चार लाख बराबरका

भोजपुरको पौवादुङमा गाउँपालिका–३ च्याङ्ग्रेमा आगलागी हुँदा एक घर पूर्णरुपमा जलेर नष्ट भएको छ। गए राति ११ बजे स्थानीय कुमार श्रेष्ठको घरमा आगलागी भएको हो।
आगलागीबाट खाद्यान्न, लत्ताकपडा, नगदलगायत जलेर नष्ट हुँदा चार लाख ५० हजार रुपैँया बराबरको क्षति भएको प्रहरीको भनाइ छ।
घरमुली कुमारको मानसिक सन्तुलन ठीक नभएकाले आफैँले आगो लगाएको आशङ्कामा प्रहरीले अनुसन्धानको लागि कुमारलाई नियन्त्रणमा लिएको छ। आगो स्थानीयवासी, जनप्रतिनिधि तथा प्रहरीको सहयोगमा नियन्त्रणमा लिइएको गाउँपालिका अध्यक्ष किरण राइले जानकारी दिनुभएको छ।।