जनसेवा माबी रमाईलोका पुर्व बिद्यार्थीले सञ्चालन गरे निशुल्क दन्तशिविर

मोरङ्गको कानेपोखरी गाउँपालिका रमाईलोस्थित जनसेवा माविमा २०४७ सालमा एसएलसी दिएका पुर्व बिद्यार्थीले निशुल्क दन्त शिविर सञ्चालन गरेका छन्। पूर्व बिद्यार्थीले बिहिबार निशुल्क दन्तशिविर सञ्चालन गरेका हुन्।

बिद्यार्थी र अभिभावकको स्वास्थ्यलाई जोड दिंदै पूर्व बिद्यार्थीले बिपि कोइराला स्वास्य विज्ञान प्रतिस्ठान धरानको सहकार्यमा बिहिबार निशुल्क दन्तशिविर सञ्चालन गरेको कार्यक्रम संयोजक उदय सुब्बाले बताउनुभयो। शिविरमा धरानस्थित बिपि कोइराला स्वास्य बिज्ञान प्रो.डा. आशिस श्रेष्ठ, प्रो.डाक्टर ताराकान्त भगतलगायतको टोलीले दन्त शिबिरमा दाँतका रोगीहरुको दात परिक्षण गरेका छन्।

शिविरमा नर्सरी देखि कक्षा १० सम्मका पाँचसयजना भन्दा बढी बिद्यार्थी एवं अभिभावकको दन्त परिक्षण गर्नुका साथै आवश्यक परामर्श र निशुल्क औषधीसमेत प्रदान गरिएको छ।

दाँत बलियो भए मात्रै आँत बलियो हुन सक्ने भन्दै दाँतको सुरक्षामा बिषेश ख्याल गर्न कार्यक्रमका प्रमुख अतिथी प्रदेश १ को प्रदेश सभा सदस्य सुयर्माराज राईले बताउनुभयो। राईले स्वस्थ दात भएमा मिठो मुस्कान हुने समेत बताउनुभएको छ।

कार्यक्रममा बिपि कोईराला स्वास्य बिज्ञान प्रतिष्ठानको प्रो.डा.आशिष श्रेष्ठले शरिरका अन्य अङ्गलाई बढी जोड दिँदै परिक्षण गर्ने तर दाँतको सुरक्षामा ख्याल नगर्ने नराम्रो परिपाटी भएकाले अब त्यस्तो परिपाटीको अन्त्य गर्दै दाँतको सुरक्षाका लागि बिशेष ख्याल गर्न आग्रह गर्नुभएको छ। बिद्यार्थीको दाँतमा समस्या आउँदा पठनपाठनमा प्रभाव पर्ने भएकाले दाँतमा समस्या आउन नदिनका लागि एकदिने निःशूल्क दन्त शिविर सञ्चालन गरिएको कार्यक्रम आयोजकले जनाएको छ।