सुन्दरहरैचा नगरपालिकामा कर्मचारीको मनपरी

कार्यलय समयमा पुग्दैनन् कर्मचारी

 

 विराटचौक । सुन्दरहरैचा नगरपालिकामा कर्मचारीको मनपरीतन्त्र चल्दा सेवाग्राहीहरुले सास्ती बेहोर्नु परेको छ । नगरपालिकामा नयाँ आएको कार्यकारी अधिकृतले कर्मचारी रिजाउँन नसक्दा कर्मचारीहरुको मनपरीतन्त्र चलीरहेको स्वयम कर्मचारीहरु स्वीकार गर्छन ।

 साडे १० देखि ११ बजे सम्म कर्मचारीहरु कार्यलयमा नपुग्दा अधिकांस सेवाग्राहीहरु कर्मचारीलाई कुरेर बस्न बाध्य छन । एक कर्मचारीले नाम नखुलाउँने सर्तमा भने पाँच महिना अगाडी कार्यकारी अधिकृत राजेन्द्र भट्टराईकै कमजोरीका कारण उनका नजिकका कर्मचारीमा कार्यलय समयमा आउँदैनन् । सबैको सेवा सुविधा समेत खोस्दै कर्मचारीलाई रुष्ट ब्यवहार गरेको उनी बताउँछन ।

 सुन्दरहरैचा नगरपालिकामा काम गर्ने वातावरण नै भएन हाकिमको मनपरीतन्त्र छ उनले भने । लालबाबु पण्डितको सिफारीसमा आएका कार्यकारीले सबै कर्मचारीलाई रुष्ट बनाएको कर्मचारीहरु बताउँछन । यता सुन्दरहरैचा नगरपालिकाका कार्यकारी अधिकृत राजेन्द्र भट्टराईले भने प्राविधिक कर्मचारीहरु सधै फिलमा हिड्ने गरेको कारण कार्यलय समयमा कर्मचारी नआएको गैरजिम्मेवार उत्तर दिए । उनले भने कडाई गछौ ।

  कर्मचारी ब्यवस्थापन गर्ने नसक्दा अधिकांस कर्मचारीले पोसाक भत्ताबापतको रकम बुझेर पनि पोसाक नलगाई आउँने गरेका छन । निजामती कर्मचारीको पोसाक भत्ताका लागि सरकारले ७ हजार ५ सय रुपियाँका दरले वार्षिक रकम दिए पनि कर्मचारीहरु सरकारी पोसाक नलाई कार्यलय आउँने गरे पनि उनीहरुलाई कडाई नगरेको भन्दै अहिले कार्यकारी अधिकृतको चौतर्फ विरोध हुन थालेको छ । निजामती कर्मचारीको आचरणसम्बन्धी नियमावली–२०६५ मा निजामती कर्मचारीले अनिवार्यरूपमा पोशाक लगाउनुपर्ने उल्लेख छ।