आर्थिक अनियमितता विरुद्ध अख्तियार कार्यालय इटहरीमा विवेकशील साझाको धर्ना

इटहरी - विवेकशिल साझा पार्टीले भ्रष्टाचार बढेको, ठुला आर्थिक अनियमितता हुँदा पनि सम्बन्धित पक्ष मौन बसेको भन्दै अख्तियार दुरुपयोग अनुसन्धान आयोगको कार्यालय इटहरीमा ज्ञापन पत्र बुझाएको छ ।

ठुला माछा समाउ अभियानको व्यारन सहित प्लेकार्ड बोकेर अख्तियारको क्षेत्रीय कार्यलय इटहरी पुगेका विवेकशिल साझा पाटीका कार्यकर्ताले ज्ञापन पत्र बुझाएका हुन । अख्तियारका उपसचिव राजेन्द्र भटट्राईले कार्यलयको गेटमै पुगेर ज्ञापन पत्र बुझेका थिए ।

विवेकशीलका प्रदेश संयोजक अनिल भेटवालले कार्यलय प्रमुखलाई कार्यकक्षमै पुगेर ज्ञापन पत्र बुझाउन नदिएको भन्दै खेद प्रकट गरेका थिए । भ्रष्टाचारले आक्रान्त भएको देशमा भष्ट्राचार विरुद्ध सचेतना जगाउन देशैभर ज्ञापन पत्र बुझाउन आएको प्रदेश संयोजक भेटवालले जानकारी दिए ।

वाईडबडि जहाज प्रकरण,३३ किलो सुन तस्करी प्रकरण,एनसेल लाभकर काण्ड,आयल निगमको जग्गा खरिद प्रकृया, स्विक बैंकमा सञ्चित धन जस्ता ठुला आर्थिक अनियमितता बढेको भन्दै निश्पक्ष छानविन गर्न साझा पाटीले बुझाएको ज्ञापन पत्रमा उल्लेख गरिएको छ ।

स्वयंम अख्तियारका एक आयुक्त पनि भष्ट्राचारमा मुछिएको भन्दै आयोगले अनियमितताका घटनाको आग्रह तथा पूर्वग्राह विना सुशासन प्रतिको आफ्नो नैतिक जिम्मेवारी पुरा गर्दै दोषीलाई कारबाही गर्न माग गरिएको छ ।