इटहरी, १७ फागुन ।-जिवन फुयाल श्री पाथीभरा तेक्वान्दो डोजांगले आयोजना गरेको प्रदेश स्तरिय तेक्वान्दो प्रतियोगीता आज बाट सुरु भएको छ । दुई दिन सम्म चल्ने प्रतियोगितामा झापा, मोरंग, सुनसरी, उदयपुर, इलाम, ताप्लेजुंङ , धनकुटा, खोटांग, सोलुखुम्बुर र बिभागिय टिम गरि जम्मा ११ वटा टिमले सहभागिता जनाएको छ ।
जिल्लाका खेलाडीहरुलाई खेल अवधिभर खान र बस्नको प्रबन्ध मिलाईएको आयोजकले जनाएको छ । उक्त खेलमा उत्कृष्ट महिला र पुरुष खेलाडीलाई नगद सहित मेडल, सिल्ड र प्रमाण पत्रले पुरस्कृत गरिने छ भने सहभागी टिम प्रथम, दोश्रो र तेश्रोलाई सिल्ड तथा प्रमाण पत्र बितरण गरिने आयोजकले जनाएको छ ।
इटहरी स्थित हलगडा बेविलोन स्कुलको प्रांगणमा आज भएको प्रतियोगिताको उद्धघाटन खेलमा प्रमुख अतिथि रहनु भएको प्रदेश नं १ को उप सभामुख सरस्वति पोख्रेलले उद्धघाटन गर्नु भएको थियो ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved