ट्रकको ठक्करबाट पैदलयात्रीको मृत्यु

झापा - झापाको मेचीनगर नगरपालिका १५ धुलावारी चन्द्रगढी सडक खण्डमा आइतवार ट्रकको ठक्करबाट पैदलयात्री चुनु हेमरनको ज्यान गएको छ।

ना ४ ख २०३६ नम्बरको ट्रकले पैदल हिडिरहेका झापा बाह्रदर्शी गाउँपालिका ३ का ६२ बर्षीय हेमरनलाई ठक्कर दिएको थियो।

ठक्करबाट हेमरनको घटनास्थलमा नै ज्यान गएको इलाका प्रहरी कार्यालय काँकडभिट्टाले जनाएको छ। ठक्कर दिने ट्रक र चालक प्रहरीको नियन्त्रणमा राखिएको छ।