विराटनगर - पाँचौ संस्करणको साफ महिला च्याम्पियनसिप फुटबल प्रतियोगितामा भुटान माथि नेपालले सहज जित निकालेको छ।
खेलको १३औं मिनेटमा मन्जलीकुमारी योञ्जनले नेपालका लागि गोल गर्दै खेललाई अघि बढाएकी थिइन्। योञ्जनले पेनाल्टी बक्सको बायाँ भागबाट गरेको प्रहारले जाली चुमेको थियो।
यसैगरी खेलको १६औँ मिनेटमा नै डी बक्सको मध्यभागबाट सावित्रा भण्डारीले एकल प्रयासमा विपक्षीको कमजोर डिफेन्सको फाइदा उठाउँदै नेपालका लागि दोस्रो गोल गरिन्। यससँगै सावित्राले २३औं अन्तर्राष्ट्रिय गोल पूरा गर्न सफल भएकी छिन।
सावित्रा भण्डारीले खेलको ४२ औं मिनेटमा राम्रो अवसर गुमाइन्। उनले वान भर्सेस् वानको अवस्थामा पनि गोल गर्न चुकिन्।
नेपालका लागि ५५औं मिनेटमा सावित्रा भण्डारीले हेडर मार्फत गोलपोस्ट नजिकै दिएको पासमा कप्तान नीरु थापाले सजिलो गोल गर्दै नेपालको अग्रता ३-० मा पुर्याइन् तर लगत्तै ५ यार्ड नजिकै पाएको हेडरलाई नीरुले गोलपोस्टको दिशा दिन नसक्दा नेपालले अर्को गोल गर्ने मौका गुमाएको थियो।
६८औं मिनेटमा सावित्रा भण्डारीले डी बक्सको बाहिरबाट गरेको प्रहारलाई भुटानकी गोल रक्षकले सुन्दर बचाउ गरेकी थिन्।
साफ महिला च्याम्पियनसिप फुटबल प्रतियोगिताको उद्घाटन खेलमा नेपालले भुटानलाई ३-० ले पराजित गर्दै विजयी सुरुवात गरेको छ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved