विराटनगर / प्रदेश नम्बर १ अन्तर्गत मोरङ र सुनसरी जिल्लामा बुधवार बिहान भएको आगलागीबाट अन्दाजी २ लाख ६ हजार मूल्य बराबरको क्षति भएको छ ।
मोरङ बेलवारी नगरपालिका-२ धर्मध्वज कटुवालको ग्वाली घरमा बिहान आगलागी हुँदा अन्दाजी १ लाख मूल्य बराबरको क्षति भएको हो । बिहान साढे ७ बजे खोले पकाउने क्रममा अचानक आगलागी हुँदा ग्वाली घर सहित ग्वाली घरमा रहेको काठपात जलेर नष्टभएको थियो ।
उक्त आगलागी दमकल, प्रहरी र स्थानीयवासीको सहयोगमा नियन्त्रणमा लिईएको इलाका प्रहरी कार्यालय बेलवारीले जनाएको छ । त्यसैगरी सुनसरी देवानगंज गाउँपालिका-१ मध्येहर्साही बस्ने प्रकाश यादवको कुखुरा फर्ममा आगलागी हुँदा अन्दाजी १ लाख ६ हजार मूल्य बराबरको क्षति भएको छ ।
बिहान सवा ९ बजे यादवको बाँसको टाटी बेरा भएको कुखुरा फर्ममा बिजुलीको तार सर्ट भई अचानक आगलागी हुँदा ५ वटा कुखुरा सहित कुखुरालाई खुवाउने दानापानी जलेर नष्ट भएको हो । उक्त आगलागी प्रहरी र स्थानीयवासीको सहयोगमा नियन्त्रणमा आएको इलाका प्रहरी कार्यालय हरीनगराले जनाएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved