इटहरी - इटहरीमा आफ्नै छोरी र श्रीमतीलाई खुकुरी प्रहार गरी घाइते बनाउने एक जनालाई प्रहरीले पक्राउ गरेको छ ।
इटहरी २० स्थित तामाङ टोलमा मंगलबार राती घरायसी विवाद हुदा सोम बहादुर राईले आफ्नै श्रीमती कृष्ण कुमारी राई र २१ बर्षिया छोरी सुनिता राईलाई खुकुरी प्रहार गरी घाइते बनाएका थिए । घटनापछि राई फरार थिए ।
उनलाई बिहिबार तरहराबाट पक्राउ गरिएको हो । घाइते दुवैजनाको उपचार भइरहेको बताइएको छ । दुवै जनाको हात र घाटीमा गहिरो चोट छ ।
राई परिवारमा दैनिक घर झगडा हुने गरेको बताउदै इटहरीका प्रहरी निरीक्षक बुद्धि चौलागाईले घटना भएको दिन राईले मापसे सेवन गरी खुकुरी प्रहार गरेको बताए ।
खुकुरी प्रहार गर्ने राईलाई म्याद थप गरी थप अनुसन्धान भइरहेको उनले बताए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved