इटहरीमा हुने महायज्ञमा दीनबन्धु पोखरेलले कथाबाचन गर्ने

इटहरी/ सुनसरीको इटहरीमा कटवाल हातेमालो एकता समाज नेपालले सञ्चालन गर्ने श्रीमद्भागवत ज्ञान महायज्ञमा बाचनप्रवीण दीनबन्धु पोखरेलले कथाबाचन गर्नुहुने भएको छ। जेष्ठ ११ देखि १८ गतेसम्म पुराण सञ्चालन हुने भएको हो।

इटहरीमा पत्रकार सम्मेलन गरेर कटवाल हातेमालो एकता समाज नेपालले बिभिन्न देश र जिल्लाका धर्मानुरागीलाई इटहरीमा अतिथि गृह अति आबश्यक रहेको बताउदै महायज्ञबाट उठेको रकमले गृहको निर्माण गरिने जानकारी दिएको छ।

समाजले बिभिन्न सामाजिक काम समेत गर्दै आएको बताउदै कटवाल समाजले महायज्ञमा भारत र नेपालका सबै जिल्लाबाट धर्मानुरागी आउने बिश्वास लिएको जनाएको छ।

महायज्ञको तयारीको लागि बिभिन्न उपसमिति समेत निर्माण गरी तयारीमा लागेको मुल आयोजक समितिका सचिव दिपक कटवालले पत्रकार सम्मेलनमा बताउनुभयो।