हरेक बजेट भाषणमा लोकप्रिय घोषणा सुन्ने बानी परेका आम मान्छेलाई कम्युनिस्ट सरकरको बजेटले निराश बनाएकै हो त ? सरकारको नीति तथा कार्यक्रम, कम्युनिस्ट पार्टीको घोषणापत्र र प्रधानमन्त्रीको समृद्ध नेपाल र सुखी नेपालीको सपना सुनेर अभ्यस्त भइसकेकाहरुले विगतका बजेटको क्रमभंग हुने अपेक्षा राखेका थिए । ठूला ठूला नयाँ परियोजनाको घोषणा हुने अपेक्षा थियो ।
तर यस बर्षको बजेट भित्र ल्याइएका कार्यक्रम कस्ता छन त ? बजेट सार्वजनिक भएपछि सुनसरीका सरोकारवाला व्यक्तिहरुको बजेट प्रति धारणा यस्तो छ ।
नेपालको इतिहासमा बहुमतिय सरकारले ल्याएको बजेट सन्तोष जनक छैन । १ नंम्बर प्रदेशको हकमा भने बाटो, हाईड्रो पावर र पर्यटनको क्षेत्रमा समेटिएको बिषय बस्तु प्रति केही सन्तोक मान्नै पर्छ । यधपी बजेट आउछ तर कार्यन्वयन गर्ने कुरामा सरकार गम्भीर नभएको महसुस सदैव गरेको छु ।
बजेट मिश्रित छ । बिशेष बजेट आउने जुन जनताको अपेक्षा थियो त्यो नयाँ केही छैन । पुरानै बजेट केरमेट गरेर ल्याइएको छ । बेरोजगार अन्त्यको कुरा बजेटमा जुन रुपमा आएको छ त्यो पर्ख र हेरको स्थतिमा छ मेरो लागि ।
मध्यम स्तरको बजेट आयो । व्यवसायका कुरा समेट्न खोजेको देखियो । साना कृषकहरुका रिण छुट, करको दायरा फराकिलो बनाउने लगायतका कुराबाट केही भरोसा बजेट प्रति देखिएको छ । तर कार्यन्वयन ठुलो सवाल हो ।
मुलुकको संघिय लोकतान्त्रिक मार्फत बहुमत मार्फत बनेको सरकारले ल्याएको बजेटले धेरै सकरात्मक कुरा समेट्न खोजेको देख्न सकिन्छ । देशको ठुलो समस्याको रुपमा रहेको बेरोजगारको समस्या हलको लागि बनेको कार्यक्रम सबै भन्दा ठुलो सकरात्मक पक्ष हो । मुलुकको समृद्धि र बिकासका लागि निश्चित ठोस आधारका साथ ल्याएको कार्यक्रम जस्तै हाईड्रो पावरको कुरा, पर्यटन आदीका कुरा समेटेको प्रति राम्रो ठानेको छु । उच्च शिक्षाको लागि सर्टिपिकेट धितो राखेर रिण निकाल्ने व्यवस्था अत्यन्त सकरात्मक हो । बैदेशिक रोजगार जाने युवालाई स्वदेशमा आत्मनिर्भर बनाउन बिना धितो लगानी प्रदान गर्ने योजना बिशेष छ ।
बजेट सार्वजनिक हुन्छ । योजना बन्छ लगानी आउछ भन्छन तर देखिने हैन । देशको बजेटले गरिबको स्तर कहिले उकास्न सकेन, आर्थिक बृद्धिदर प्रत्येक बर्ष निराशा जनक छ । एउटा गरिब जो रोजी गरेर परिवार पाल्छ त्यसको दिन बदलिएको समय बजेटको महत्व हुनेछ मेरो लागि ।
आर्थिक बर्षको लागि आएको बजेटले एक सय ठाँउमा ५ अर्ब रुपयौको पर्यटनको लागि खर्च गर्ने योजना प्रति अत्यन्त खुशी छु । देशको सम्भावना र आयस्रोतको लागि पर्यटन अबको बाटो भएकाले सरकारले यस क्षेत्रमा छुट्याएको बजेटले राम्रो प्रतिफल पाउने बिश्वास लिएको छु ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved