कविर माध्यमिक विद्यालयका इलाका कक्षा कोठामा अध्ययनमाप्रहरी

कक्षा कोठामा अध्ययनमा व्यस्त रहने इटहरी स्थित कविर माध्यमिक विद्यालयका विद्यार्थीहरु इलाका प्रहरी कार्यालय पुग्यो ।
यसो हेर्दा विद्यार्थीहरु हुलै बाँधेर प्रहरी कार्यालयमा पुग्दा देख्नेहरुले विद्यार्थीले के उपद्रो गरेछन् भन्ने सोचे होलान् । तर कुरा त्यस्तो थिएन । उनीहरु उपद्रो गरेर होइन, राम्रो कामको अभियान अन्तर्गत प्रहरी कार्यालय पुगेका हुन् । प्रहरीको सामुदायीक प्रहरी साझेदारी कार्यक्रम अन्तर्गतको अभियान अन्तरगत विद्यार्थीहरु प्रहरी कार्यालय पुगेका हुन् । प्रहरीको काम, कर्तव्य र जिम्मेवारीको विषयमा विद्यार्थीहरुलाई जानकारी गराउनका लागी कबिर माध्यामिक विद्यालयका विद्यार्थीलाई इलाका प्रहरी कार्यालय इटहरीमा अवलोकनका लागी लगिएको हो । सो अवसरमा नागरिकलाई कसरी सहजताका साथ प्रहरीबाट सेवा दिने र नागरिक मैत्री बनाउने भन्ने सम्बन्धमा विद्यार्थीहरुलाई जानकारी गराइयो ।
उनीहरुलाई प्रहरी कार्यालयमा प्रवेश गर्नेदेखि प्रहरीलाई कसरी सम्पर्क गर्ने भन्ने सम्बन्धमा जानकारी गराइयो । साथै प्रहरी सहायता कक्ष, प्रहरी कन्ट्रोल रुम, महिला तथा बालबालिका सेवा कक्ष, हिरासत कक्ष लगायतको अवलोकन गराउनुका साथै अपराध नियन्त्रण तथा रोकथाम न्युनिकरण लगायतका बिषयमा जानकारी गराइयो ।
विद्यार्थीहरुले समेत यसरी प्रहरीसँग नजिक भएर प्रहरीबाट सेवा लिने तरिकाको विषयमा जानकारी पाउँदा आफुहरुलाई खुशी लागेको बताएका छन् । कक्षा दशमा अध्यनरत सुरज शिवाले प्रहरीले सहयोगी र साथीको व्यवहार गर्दा खुुसी लागेको बताए । यस्तै कबिर माध्यमिक विद्यालयका प्रध्यानाध्यापक मिनु न्यौपानेले प्रहरीको यो अभियान निकै प्रभावकारी रहेकाले यस्तो अभियान देशभर सञ्चालन गर्नुपर्ने बताइन् । यसैगरि इलाका प्रहरी कार्यलय इटहरीका प्रमुख समीरचन्द्र खरेलले बालबालीका र प्रहरीबीच अन्तरघुलन र विश्वासको बतावरण सृजना गर्न आफु लागिरहेको बताए । ‘भात खाइनस् भने पुलिस बोलाइदिन्छु भन्नुको साटो बाबुआमाले छोराछोरीलाई हप्काए भने म पुलिसलाई खबर गर्छु भनेर बच्चाले भन्ने वातावरण बनाउन आवश्यक रहेको छ’ खरेलले भने ।