संखुवासभाको सिलिचोङ्ग गाँउपालिका १ मा विप्लव समुह र गस्तीमा रहेको सुरक्षाकर्मी बिच दोहोरो गोली हानाहान भएपछि नेपाली सेनाको तिनवटा हेलिकोप्टर घटनास्थल पुगेको छ । अहिले सिलिचोङ्ग आसपास सेनाको हेलिकोप्टरले गस्ती गरिरहेको छ ।
सदरमुकाम खाँदबारी पुगेर सेनाको हेलिकोप्टरले सिलिचोङको बस्ती र मकालुवरुण जंगलको क्षेत्रमा हवाई गस्ती गरिरहेका हुन्।
प्रहरी स्रोतका अनुसार काठमाडौबाट आएको सेनाको एमआई १७ हेलिकोप्टरबाट ५० जना थप सुरक्षाकर्मी सिलिचोङ्ग झारिएको छ ।
बिहान १० बजेको समयमा प्रहरी नायब निरीक्षकको कमाण्डमा रहेको पैदल गस्ती टोलीमाथि गोली चलेको थियो ।
घटनास्थल भोजपुरको सिमामा पर्ने धना जंगल भित्र रहेको छ । १९ जनाको सुरक्षाकर्मीको टोलीमाथि शुरुमा विप्लव समुहबाट फायर भएको बताइएको छ । प्रहरीले पनि जवाफी फायर खोलेपछि विप्लव समुह भागेका थिए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved