जीवन फुयल सुनसरी/ धनकुटा इटहरी सम्पर्क समाज इटहरीले उद्योग बाणिज्य संघ इटहरीका नवनिर्वाचित पदाधिकारीहरुलाई सम्मान गरेको छ। बिहिबार बिहान ओम पाथिभरा होटलमा कार्यक्रम गरेर समाजले सम्मान गरेको हो।
कार्यक्रममा नवनिर्वाचित पदाधिकारीहरुलाई फुलमाला, अबिर लगाएर सम्मान गरिएको थियो। कार्यक्रममा धनकुटा इटहरी सम्पर्क समाजका अध्यक्ष तेजबहादुर पुरी, उपाध्यक्ष देशबन्धु कार्की, सचिव रियन्द्र गुरागाँईलगायतको उपस्थिती थियो।
उद्योग बाणिज्य संघ इटहरीका नवनिर्वाचित अध्यक्ष भिम पौडेलको प्रमुख आतिथ्यतामा भएको कार्यक्रममा धनकुटामा जन्मिएर सुनसरीमा कृयाशिल सरकारी कर्मचारीहरु र ब्यवसायीहरुलाई पनि सम्मान गरिएको थियो।
कार्यक्रममा जिल्ला शिक्षा समन्वय इकाईका प्रमुख रमेश बहादुर दाहाल, अधिकृत निर्मल निरौला, इटहरी उपमहानगरपालिकाका शिक्षा शाखाका फाल्गुनी काफ्ले र निर्मल ढुंगेल सम्मानित भएका हुन्।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved