खोलाले बगाउँदा एक जनाको मृत्युइटहरीमा

इटहरी /इटहरीमा सुकुमारी खोलाले बगाउँदा एक जनाको मृत्यु भएको छ । इटहरी ५ सिमरवना भएर बग्ने सुकुमारी खोलाले बगाउँदा इटहरीमा उदयपुरका सागर थापाकाे मृत्यु भएको हो ।थापालाई माछा मार्ने क्रममा बाढीले बगाएको स्थानियले बताएका छन । थापा इटहरी ५ सिमरवनामा रहेकाे एक ग्रील पसलमा कार्यरत थिए । थापाकाे शव आज फेला परेको इलाका प्रहरी कार्यालयले जनाएको छ ।