इटहरी, संघियाता र समानुपातिक समावेशी सिद्धान्तको मर्म विपरित लोक सेवा आयोगले विज्ञापन गरेको भन्दै सुनसरीको इटहरीमा लोक सेवा आयोगका अध्यक्ष उमेश मैनाली र संघिय मामिला तथा सामान्य प्रशासन मन्त्री लालबाबु पण्डितको पुत्ला दहन गरिएको छ ।
आरक्षण बचाऔं नाम दिएर आन्दोलन थालेको नेपाल आदिवासी जनजाति महासंघ १ नम्बर प्रदेश समन्वय परिषदले मैनाली र पण्डितको पुत्ला दहन गरेको हो ।
लोक सेवा आयोगले यस अघि निकालेको विज्ञापनमा आरक्षण हटाएको भन्दै आन्दोलित बनेका आदिवासीहरुले इटहरी मुख्य चौकमा विरोध जुलुस सहित पुत्ला दहन गरेका थिए । पुत्ला सहित अघि बढेको आदिवासीहरुको जुलुसबाट प्रहरीले पुत्ला खोस्न खोजेपनि उनीहरुले झुक्याएर पुत्ला दहन गरेका थिए । पुत्ला दहन कार्यक्रममा प्रहरीले लामो संघषपछि पुत्ला खोसेर निभाएको थियो । पुत्ला दहनपछि आयोजित कोणसभामा आदिवासी जनजाति महासंघ आवद्ध अगुवाहरुले आफुहरुलाई विभेद गरिए आन्दोलनको आँधिबेरी ल्याउने चेतावनी दिए ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved